शेतकऱ्याचे हात-पाय बांधले अन् दरीत फेकले, शेवटच्या फोनने मोठं कांड समोर, खंडणी प्रकरणाला धक्कादायक वळण

‎छत्रपती संभाजीनगर: प्रगतशील शेतकरी व भुसार व्यापारी तुकाराम माधवराव गव्हाणे (पाटील) यांच्या अपहरण आणि हत्या प्रकरणाने छत्रपती संभाजीनगरमध्ये खळबळ उडाली आहे. एक कोटी रुपयांच्या खंडणीसाठी अपहरण करून, पैसे वेळेवर न मिळाल्याच्या रागातून ही हत्या करण्यात आली. त्यानंतर मृतदेह चाळीसगाव घाटातील दरीत फेकून देण्यात आला. मात्र, आरोपींचा शेवटचा फोनच पोलिसांसाठी निर्णायक ठरला आणि छत्रपती संभाजीनगरजवळील समृद्धी महामार्गावरील सावंगी टोलनाक्यावर चार आरोपींना अटक करण्यात आली, तर पाचव्या आरोपीला गावातून जेरबंद करण्यात आले.