तुमच्या मुलांना जपा, छ. संभाजीनगरमधील बेपत्ता मुलगा सापडला, भिकाऱ्यांचं धक्कादायक कनेक्शन समोर

छत्रपती संभाजीनगर: मुलं किंवा मुली बेपत्ता झाल्याच्या घटना आपण ऐकल्या असतील. परंतु, छत्रपती संभाजीनगरातून एक धक्कादायक प्रकार पुढे आला आहे. खुलताबाद शहरातील जुन्या बसस्थानक परिसरातून 11 वर्षीय आदिल शहा हा मुलगा गायब झाला होता. खुलताबाद पोलिसांनी अवघ्या पाच दिवसांत त्याचा शोध घेतला. भीक मागण्याच्या उद्देशाने त्याला पळवून नेल्याचे पुढे आले असून एका फकीरासह त्याच्यासोबत असलेल्या महिलेला पोलिसांनी ताब्यात घेतले. मंगळवारी (दि. 6) मुलाला त्याच्या आई-वडिलांच्या स्वाधीन केले. तेव्हा पालकांच्या डोळ्यांत आनंदाश्रू तरळले.