नामविस्तार दिन: छ. संभाजीनगरमधील वाहतुकीत मोठे बदल, वर्दळीचा रस्ता बंद, पर्यायी मार्ग

‎छत्रपती संभाजीनगर : 14 जानेवारी रोजी डॉ. बाबासाहेब आंबेडकर मराठवाडा विद्यापीठाचा नामविस्तार दिन आहे. या निमित्ताने विद्यापीठ परिसरामध्ये मोठ्या संख्येने अनुयायी दरवर्षी येत असतात. यंदा देखील मोठी गर्दी होण्याची शक्यता असून वाहतूक पोलिसांनी सुरक्षिततेच्या दृष्टीने मिलिंद चौक ते मकई गेट हा रस्ता वाहतुकीसाठी बंद ठेवला आहे. 14 जानेवारी रोजी सकाळी 6 ते रात्री 12 वाजेपर्यंत हा बदल लागू असेल, अशी माहिती सहाय्यक पोलिस निरीक्षक सचिन मिरघे यांनी दिली.