Sambhajinagar Crime : धक्कादायक! शेकोटीजवळ बसलेल्या मुली; मात्र नंतर जे घडलं त्याने शहर हादरलं

‎छत्रपती संभाजीनगर : संसारनगर परिसरात रविवारी (7 डिसेंबर) उशिरा घडलेल्या घटनेने स्थानिक नागरिकांमध्ये खळबळ उडाली आहे. शेकोटीजवळ बसलेल्या मुलींचे फोटो काढल्याचा मुद्दा समोर आल्यानंतर एका अल्पवयीन मुलाने संबंधितांना जाब विचारला. मात्र, या साध्या प्रश्नावरून संतापलेल्या टोळक्याने त्याच्यावरच हल्ला चढवला. केवळ एवढ्यावर न थांबता त्या मुलाच्या नातेवाईकांनाही मारहाण करत जातिवाचक शिवीगाळ आणि गंभीर धमक्या देण्यात आल्या. मुलींनाही असभ्य, बलात्काराच्या स्वरूपाच्या धमक्या देण्यात आल्याचे तक्रारीत नमूद आहे.या प्रकरणाचा तपास सहायक पोलिस आयुक्त सागर देशमुख यांच्या मार्गदर्शनाखाली सुरू आहे.