आरोग्याची काळजी महत्त्वाची!, उपवास सोडताना असा ठेवा तुमचा आहार

छत्रपती संभाजीनगर : शारदीय नवरात्र उत्सवाची आज समाप्ती होत असून दसरा सणाचा उत्साहसुद्धा पाहायला मिळत आहे. नवरात्रीत अनेक जणांनी 9 दिवस उपवास केले असतील आणि आज सर्वजण उपवास हे सोडणार आहेत. नवरात्रीत उपवास केल्यानंतर आज उपवास सोडताना तुमचा आहार कसा असावा, याबाबत माहिती असणे आवश्यक आहे. यामुळे तुम्हाला अपचनाचा किंवा अॅसिडिटीचा त्रास होणार नाही. या सर्व विषयावर लोकल18 च्या टीमने आहारतज्ञ कांचन बापट यांच्याशी विशेष संवाद साधला.

लोकल18 शी बोलताना त्यांनी सांगितले की, आज ज्यांनी 9 दिवस उपवास केले आहेत ते आज उपवास सोडणार आहेत. जर तुम्ही गवल्याची खीर खाऊन जर उपवास सोडला तर खूप छान होईल. त्यासोबतच तुम्ही पुरणपोळी आणि दुध खाऊन देखील हा उपवास सोडू शकता. अनेक ठिकाणी धपाटे देखील करतात. त्यामुळे तुम्ही धपाटेही खाऊन हा उपवास सोडू शकता. या दिवशी तुम्ही सौम्य सात्विक असाच आहार घ्यावा. जास्त तेलकट किंवा तळणीचे पदार्थ तुम्ही खाऊ नका, असा सल्लाही त्यांनी दिला.