महालक्ष्मी, गणेशोत्सवात मखर खरेदी करायचंय?, छत्रपती संभाजीनगरमध्ये एकाहून एक बेस्ट पर्याय, VIDEO

किंमतीचा विचार केला तर 1700 पासून याठिकाणी मखरच्या किंमती सुरू होत आहेत. तर गणपती बाप्पासाठीचे मखर 1500 रुपयांपासून ते 3500 रुपयांपर्यंत उपलब्ध आहे. या ठिकाणी तुम्हाला लोखंडी आणि स्टील दोन्ही प्रकारचे मखर उपलब्ध आहे. यासोबतच मखरासाठी लागणारे पडदेही याठिकाणी विकले जात आहेत. त्यामुळे या ठिकाणी तुम्ही मखर हे पडद्यासहितही खरेदी करू शकता किंवा नुसते पडदेही खरेदी करू शकता.

यावर्षी या मखरांच्या किमतीमध्ये 100 रुपयांनी वाढ झालेली आहे, असे येथील विक्रेत्या उर्मिला यांनी सांगितले. तुम्हाला या ठिकाणी होलसेल आणि रिटेल दरात हे मखर मिळतील. त्यामुळे यंदाच्या गणेशोत्सवात जर तुम्हाला मखर खरेदी करायचे असेल तर तुम्ही छत्रपती संभाजीनगर शहरातील गुलमंडी या ठिकाणी जाऊन हे मखर खरेदी करू शकता.