Ganeshotsav Pune : गणपतीसाठी सुंदर देखावे सेट घ्यायचेय तर पुण्यातील हे ठिकाण तुमच्या कामाचं, VIDEO

पुणे : गणपतीमध्ये मुख्य आकर्षण हे देखावे असतात. मंडळांप्रमाणे घरीदेखील देखावे तयार केले जातात. यामध्ये वेगवेगळी थीम तयार केली जाते. पुण्यातील संतोष कुंभार हे मागील अनेक वर्षांपासून मातीपासून बनणाऱ्या वस्तू विक्रीचा व्यवसाय करत आहे. त्यांच्याकडे जवळपास 8 ते 10 प्रकारच्या थीमवरचे देखावे पाहायला मिळतात. त्यामुळे या वर्षीचा ट्रेंड काय आहे व याचे दर काय आहेत, याचबाबत लोकल18 च्या टीमने घेतलेला हा आढावा.

पुण्यातील कुंभार वाडा या ठिकाणी माऊली आर्ट्स हे मागील 25 वर्ष जुने दुकान आहे. ते मिनिएचर वस्तूसाठी प्रसिद्ध आहे. या सर्व वस्तू मातीपासून तयार केल्या जातात. आता गणपती साठी काही थीम सेट आहेत. यामध्ये गोंधळी, ढोली बाजा, वासुदेव, नंदीबैल, भजनी, बारा बलुतेदार, उंदीर मामा सेट पाहायला मिळतात.