Manoj Jarange Patil : मनोज जरांगे पाटलांवर रुग्णालयात उपचार सुरू, किडनी अन् लिव्हरला सूज; कशी आहे प्रकृती?

सिद्धार्थ गोदाम, छत्रपती संभाजीनगर, 03 नोव्हेंबर : मराठा आरक्षणासाठी ९ दिवस आमरण उपोषण करणाऱ्या मनोज जरांगे पाटील यांनी गुरुवारी उपोषण मागे  घेतलं. राज्य सरकारच्या शिष्टमंडळाने घेतलेल्या भेटीनंतर जरांगे पाटील यांनी सरकारला २ महिन्यांचा वेळ दिला आहे. दरम्यान, ९ दिवस उपोषणामुळे जरांगे पाटील यांची प्रकृती खालावली आहे. त्यांना उपचारासाठी छत्रपती संभाजीनगर इथं रुग्णालायत दाखल करण्यात आलं आहे. त्यांच्या प्रकृतीबाबत डॉक्टरांनी माहिती दिली असून बरे होण्यासाठी एक ते दोन आठवड्याचा वेळ लागेल असं सांगण्यात येतंय.