नवजात बाळ मृत्यूलाही पुरून उरलं, थंडीत गारठलं, कुत्र्याने लचके तोडले, गाडीखाली आलं तरीही...

अविनाश कानडजे, प्रतिनिधी छत्रपती संभाजीनगर: छत्रपती संभाजीनगर शहरात एक अत्यंत हृदयद्रावक आणि तितकीच धक्कादायक घटना समोर आली आहे. इथं पतीपासून विभक्त राहणाऱ्या एका महिलेनं बाळाला जन्म देऊन अवघ्या दोन तासांत त्याला गोणीत गुंडाळून रस्त्यावरील कचऱ्यात फेकून दिलं. हे बाळ पहाटेच्या थंडीत गारठलं, रात्री कुत्र्याने लचके तोडले, तरीही हे बाळ मृत्यूला पुरुन उरलं. या प्रकरणी पोलिसांनी बाळाच्या आईवर विविध कलमांतर्गत गुन्हा दाखल केला आहे. घटनेचा तपास सुरू आहे.