कधी हॉटेल तर कधी रिसॉर्ट, संभाजीनगरात ग्रामसेविकेवर वारंवार अत्याचार, पंचायत समिती सभापतीच्या पतीचा कांड

दरम्यान, सप्टेंबर २०२२ मध्ये सुरवसेने पीडित ग्रामसेविकेला संभाजीनगर येथील व्हिट्स हॉटेलमध्ये बोलावले. इथं त्याने एक रूम बुक केली होती. कामाच्या नावाखाली त्याने तिला रूममध्ये बोलावले आणि जबरदस्तीने तिच्यावर लैंगिक अत्याचार केला. पीडितेने विरोध केला असता आरोपीनं तिला नोकरी घालवण्याची धमकी दिली. यानंतर त्याने संबंध ठेवतानाचे काही फोटो आणि व्हिडीओ देखील काढले.

हेच व्हिडीओ व्हायरल करण्याची धमकी देत आरोपीनं संभाजीनगर, इगतपुरी, नाशिक आणि अहिल्यानगर येथील विविध हॉटेल्स आणि रिसॉर्टवर नेऊन तिच्यावर वारंवार अत्याचार केला. एवढंच नव्हे तर आरोपीने पीडितेला लग्नाचे आमिष दाखवून तिच्या पहिल्या पतीपासून घटस्फोट घेण्यासही भाग पाडलं. तसेच, पीडितेच्या पतीला मारण्याचा कटही आखला होता, असे तक्रारीत नमूद करण्यात आले आहे. २ जुलै रोजी आरोपीने पीडित महिला राहत असलेल्या संभाजीनगर येथील परिसरात येऊन गोंधळ घातल्याचंही तक्रारीत म्हटलं आहे. याप्रकरणी पोलिसांनी गुन्हा दाखल केला असून, पुढील तपास सुरू आहे.