संभाजीनगर: तरुणीवर अत्याचार करणाऱ्या PSI ला अटक, लैंगिक शोषण करत गर्भपातही घडवला

अविनाश कानडजे, प्रतिनिधी छत्रपती संभाजीनगर: छत्रपती संभाजीनगरच्या क्रांती चौक पोलीस ठाण्याच्या हद्दीत एक धक्कादायक प्रकार उघडकीस आला आहे. इथं एका तरुणीवर अत्याचार केल्याप्रकरणी पोलीस उपनिरीक्षकाला (PSI) बेड्या ठोकल्या आहेत. आरोपी पोलीस उपनिरीक्षकाने तरुणीला लग्नाचं आमिष दाखवून तिच्यावर अत्याचार केला होता. अत्याचारातून पीडित तरुणी गर्भवती राहिल्यानंतर तिचा गर्भपात देखील केला होता. या प्रकरणी क्रांती चौक पोलीस ठाण्यात गुन्हा दाखल होताच पोलिसांनी आरोपी PSI ला बेड्या ठोकल्या आहेत.