Railway Update: रेल्वेचं गिफ्ट! मराठवाड्यातून धावणार 3 स्पेशल ट्रेन, कधी आणि कुठं? पाहा वेळापत्रक
- Published by:Shankar Pawar
- Reported by:Apurva Pradip Talnikar
Last Updated:
Railway Update: मराठवाड्यातील प्रवाशांसाठी खुशखबर आहे. छत्रपती संभाजीनगरसह प्रमुख शहरांतून तीन विशेष रेल्वे धावणार आहेत.
छत्रपती संभाजीनगर : मराठवाड्यातून वाढत्या रेल्वे गर्दीचा विचार करून दक्षिण मध्य रेल्वेने तीन महत्त्वाच्या मार्गांवर विशेष गाड्या चालवण्याचा निर्णय घेतला आहे. या नव्या सेवांमुळे छत्रपती संभाजीनगर, जालना, परभणी आणि नांदेडसह परिसरातील प्रवाशांना मुंबई, पुणे (हडपसर) आणि शिर्डीला थेट मार्ग उपलब्ध होणार आहे.
हैदराबाद–हडपसर विशेष रेल्वे
हैदराबाद ते हडपसर दरम्यान साप्ताहिक विशेष गाडी सुरू करण्यात आली आहे.
गाडी क्र. 07167 : हैदराबादहून 7 डिसेंबर रोजी रात्री 8.25 वाजता सुटणार असून, 8 डिसेंबर रोजी पहाटे 5 वाजता हडपसरला पोहोचेल. छत्रपती संभाजीनगर येथे ती सकाळी 6.15 वाजता दाखल होईल.
गाडी क्र. 07168 : हडपसरहून 8 डिसेंबरला संध्याकाळी 7 वाजता हैदराबादच्या दिशेने प्रस्थान करेल. या गाडीमध्ये 23 डब्यांची रचना असून, प्रवाशांना पुरेशा जागेची उपलब्धता राहणार आहे.
advertisement
मुंबई आणि शिर्डीसाठीही विशेष सेवा
हैदराबाद–लोकमान्य टिळक टर्मिनस मार्गावरही एक विशेष फेरी (गाडी क्र. 07150 आणि 07151) 6 डिसेंबरला चालवली जाणार आहे. यामुळे मराठवाड्यातून मुंबईकडे जाणाऱ्या प्रवाशांसाठी अतिरिक्त पर्याय उपलब्ध होईल.
तिरुपती–साईनगर शिर्डी साप्ताहिक रेल्वे
शिर्डीसाठी प्रवास करणाऱ्यांसाठी तिरुपती–साईनगर शिर्डी या मार्गावर नवी साप्ताहिक गाडी (क्र. 07425) 9 डिसेंबरपासून सुरू होत आहे. ही सेवा दर मंगळवारी दुपारी 12.55 वाजता तिरुपतीहून सुटेल आणि परभणीमार्गे छत्रपती संभाजीनगर येथे ठरावीक थांबा घेऊन पुढे शिर्डीकडे धावेल.
advertisement
दक्षिण मध्य रेल्वेच्या या निर्णयामुळे मराठवाड्यातील लाखो प्रवाशांना अधिक पर्याय, सोयीस्कर वेळापत्रक आणि थेट मार्गांचे लाभ मिळणार आहेत.
view commentsLocation :
Aurangabad,Maharashtra
First Published :
December 07, 2025 10:18 AM IST
मराठी बातम्या/महाराष्ट्र/छ. संभाजीनगर/
Railway Update: रेल्वेचं गिफ्ट! मराठवाड्यातून धावणार 3 स्पेशल ट्रेन, कधी आणि कुठं? पाहा वेळापत्रक
