मराठवाड्यात थंडीचा जोर, छत्रपती संभाजीनगरमध्ये ढगाळ वातावरण, पाहा हवामान अपडेट

छत्रपती संभाजीनगर आणि जालना जिल्ह्यांत सकाळी थोडासा गारठा जाणवेल तर दिवसभर हवामान उबदार राहील. किमान तापमान 12 अंश सेल्सिअस तर कमाल तापमान 28 अंश सेल्सिअस दरम्यान राहण्याची शक्यता आहे. या जिल्ह्यांमध्ये ढगाळ वातावरण राहील परंतु पावसाची शक्यता नाही. मात्र संभाजीनगरमध्ये 11 आणि 12 जानेवारी रोजी तुरळक ठिकाणी हलक्या पावसाची शक्यता आहे.

बीड आणि लातूर जिल्ह्यांमध्ये दिवसभर ऊन आणि सायंकाळी गारवा राहील. किमान तापमान 14 अंश सेल्सिअस तर कमाल तापमान 29 अंश सेल्सिअस दरम्यान राहण्याची शक्यता आहे. विशेषतः लातूरमध्ये सकाळी धुक्यामुळे वाहनचालकांनी सतर्क राहावे. शेतकऱ्यांनी सिंचन व्यवस्थापनावर भर द्यावा.

नांदेड आणि परभणी जिल्ह्यांत किमान तापमान 13 अंश सेल्सिअस तर कमाल तापमान 30 अंश सेल्सिअस दरम्यान राहील. दिवसभर हवामान स्वच्छ आणि उबदार असेल. सकाळी काही भागांमध्ये धुके दिसेल त्यामुळे नागरिकांनी गार ठिकाणी उबदार कपडे वापरण्याची काळजी घ्यावी.

धाराशिव आणि हिंगोली जिल्ह्यांत ऊन आणि सायंकाळी थोडा गारठा जाणवेल. किमान तापमान 15 अंश सेल्सिअस तर कमाल तापमान 28 अंश दरम्यान राहण्याची शक्यता आहे. सर्वसामान्य नागरिक आणि शेतकऱ्यांसाठी ही हवामान स्थिती अनुकूल आहे.