भाविकांसाठी आनंदाची बातमी, तिरुपतीसह शिर्डीसाठी धावणार आता साप्ताहिक रेल्वे, वेळ इथं चेक करा

छत्रपती संभाजीनगर : छत्रपती संभाजीनगरसह मराठवाड्यातील भाविकांसाठी एक आनंदाची बातमी आहे. तिरुपती आणि श्री साईनगर शिर्डी या दोन्ही प्रमुख देवस्थानांना जोडणारी नवी साप्ताहिक रेल्वे सेवा आता नियमितपणे सुरू होणार आहे. रेल्वे बोर्डाने तिरुपती–श्री साईनगर शिर्डी–तिरुपती या नवीन रेल्वेला हिरवा कंदील दिला असून, ही सेवा 14 डिसेंबरपासून प्रवाशांसाठी उपलब्ध होणार आहे. ‎‎नवीन सेवेच्या प्रारंभापूर्वी विशेष उद्घाटन रेल्वे 9 डिसेंबर रोजी धावणार असून, तिचे लोकार्पण रेल्वेमंत्री अश्विनी वैष्णव यांच्या हस्ते होईल, अशी माहिती दक्षिण मध्य रेल्वे विभागाने दिली.