कोल्हापूरात भाजप-शिंदेसेनेत संघर्ष! 'जागावाटपा'वरून पेटला वाद, दोघांचा आकडा 78 वर; मग राष्ट्रवादीने करायचं काय?

आमदार राजेश क्षीरसागर यांनी दोन दिवसांपूर्वीच शिवसेना 30 जागा लढवणार असल्याचे जाहीर केले होते. यावर बोलताना धनंजय महाडिक म्हणाले की, "कुणी काय मागणी करावी हा त्यांचा प्रश्न आहे, पण आम्ही आमच्या जुन्या 24 जागांपैकी एकही जागा सोडणार नाही." या भूमिकेमुळे भाजप आणि शिवसेना यांच्यात जागावाटपावरून वाद निर्माण होण्याची शक्यता आहे. दोन्ही पक्षांनी मिळून 78 जागांवर दावा केल्याने राष्ट्रवादीने काय करायचे, असा प्रश्न निर्माण झाला आहे.

‘शेत पाइपलाइन’ योजनेतील त्रुटींवरून महाडिक यांनी काँग्रेसवर टीका केली. "योजनेतील त्रुटी ज्यांनी राबवली त्यांनीच दूर केल्या पाहिजेत. भाजप किंवा महायुती ते पाप घेणार नाही," असे ते म्हणाले.