चंद्रपुरात काँग्रेसला भगदाड? युद्धात जिंकलेले तहात हरणार? मुनगंटीवारांचं मोठं विधान

चंद्रपूर महानगर पालिकेत कुणाचा महापौर होणार? हा प्रश्न निवडणूक निकाल लागल्यापासून सगळ्यांना पडला आहे. इथं काँग्रेस हा सर्वात मोठा पक्ष ठरला असून काँग्रेसनं ६६ पैकी २७ जागा जिंकल्या आहेत. शिवाय शेकापचे ३ नगरसेवक देखील काँग्रेससोबत आहेत. अशात चंद्रपुरात सत्ता स्थापन करण्यासाठी काँग्रेसला केवळ ४ नगरसेवकांची आवश्यकता आहे. इथं ठाकरे गट आणि वंचितचा गट किंग मेकरच्या भूमिकेत आहे. दोघांकडे एकूण आठ नगरसेवक आहेत. पण त्यांनी अद्याप काँग्रेसला पाठिंबा दिला नाही. त्यांनी महापौर पदावर दावा केला आहे. त्यामुळे इथं राजकीय पेच निर्माण झाला आहे.