खरातचे Video व्हायरल होताच केसरकरांचा कानाला खडा, म्हणाले, इथून पुढे मी त्या मंदिरात...

श्रीरामनवमी उत्सवाच्या निमित्ताने माजी मंत्री दीपक केसरकर यांनी घेतल साईबाबांचे दर्शन घेतले. त्यानंतर त्यांनी पत्रकारांशी विविध विषयांवर संवाद साधला. भोंदू खरातबद्दल विचारले असता, त्याच्या दुष्कृत्याबाबत माहित नव्हते. मी धार्मिक असल्याने त्या मंदिरात गेलो. खरात मंदिराच्या आडून केलेल कृत्य निंदनीय असल्याचे सांगत इथून पुढे मी त्या मंदिरात कधीही जाणार नाही, असे दीपक केसरकर म्हणाले.

एकनाथ शिंदे मुख्यमंत्री आणि मी मंत्री असताना त्या मंदिरात दर्शनासाठी गेलो होतो. त्यांनाही या भोंदूची कल्पना नव्हती. खरातने ज्योतिष शास्त्र बदनाम केले, असे केसरकर म्हणाले. माझ्या विरोधात राजकीय षडयंत्र रचले जात आहे.संजय राऊत काहीही बोलतात. त्यांना देखील परिवार आहे. संजय राऊत ठाकरेंचे प्रवक्ते आणि मधील काळात मी शिवसेना शिंदे गटाचा प्रवक्ता होतो. त्याचा कदाचित ते सूड उगवतायत आणि विधाने करतायत. भोंदू खरातमुळे अनेक राजकीय नेत्यांच्या प्रतिमा मलिन होतायत. 39 नेत्यांचे खरात बरोबर फोटो आहेत पण संजय राऊत मलाच टारगेट करतायत, असे दीपक केसरकर म्हणाले.

ईशान्येश्वर मंदिरात मी आता कधीही जाणार नाही, तेथील विश्वस्तांची SIT कडून चौकशी होतेय. भोंदू खरातला कठोरात कठोर शिक्षा व्हायला हवी आणि पीडितांना न्याय मिळायला हवा, असे केसरकर म्हणाले.