PSL 2026 : पहिलाच सामना अन् पाकिस्तानने लाज घालवली; ऑस्ट्रेलियाचा स्टार म्हणाला, करीअरमध्ये पहिल्यांदाच असं घडलं

खरं तर पाकिस्तानी सुपर लीगमध्ये आज लाहोर कलंदर आणि हैदराबाद किंग्समेने यांच्यात सामना खेळवला जात आहे. आज हा सुपर लीगचा पहिलाच सामना होता, त्यामुळे जगभरातील क्रिकेट चाहत्यांचे याकडे लक्ष होते. असे असताना पाकिस्तानने मोठी माती खाल्ली आहे. पाकिस्तानने लीगचा पहिलाच सामना जवळपास 15 ते 20 मिनिटं उशिराने सूरू केला होता.त्यामुळे ही घटना पाहून ऑस्ट्रेलियाचा खेळाडू आणि हैदराबाद किंग्समेन्सचा कर्णधार मार्नस लाबुशेन प्रचंड वैतागला होता आणि त्या घटनेवर नाराजी व्यक्त केली होती.

टॉस पार पडसल्यानंतर मार्नस लाबुशेनला विचारण्यात आले, आजचा सामना खेळण्यासाठी तुम्ही किती उत्सुक आहात? यावर मार्नस लाबुशेन म्हणाला,"माझ्या कारकिर्दीत पहिल्यांदाच असं घडलं आहे. कोणतही ठोस कारण नसताना सामना 15 मिनिटे उशिरा सुरू झाला. खरं सांगायचं तर, हे फक्त पीएसएल मध्येच शक्य आहे,असे म्हणत त्याने पाकिस्तानी लीगची खिल्ली उडवली होती.

सामन्याबद्दल बोलायचं झालं तर शाहिन आफ्रीदीच्या लाहोर लखंदरने प्रथम फलंदाजी करताना 6 विकेट गमावून 199 धावा केल्या होत्या. फखर जमानने सर्वाधित 53 धावांची अर्धशतकीय खेळी केली होती. या व्यक्तिरीक्त हसीबुल्लाह खानने 40 धावांची नाबाद खेळी केली आहे. तर सिकंदर रझाच्या 24 धावांच्या खेळीच्या बळावर लाहोर लखंदरने 199 धावा केल्या होत्या.