हे सगळे तातडीने थांबवा, नाही तर कोविडपेक्षाही भयंकर संकट; हाहाकार माजेल, सौदीच्या बड्या नेत्याने दिला महाभयंकर इशारा

अल-जदआन यांच्या मते, सध्याचा संघर्ष फक्त प्रादेशिक नाही तर जागतिक अर्थव्यवस्थेला हादरा देणारा ठरू शकतो. विशेषतः ‘स्ट्रेट ऑफ होर्मुझ’ हा समुद्री मार्ग अत्यंत महत्त्वाचा असून जगातील सुमारे 17% ते 20% तेल पुरवठा या मार्गातून जातो. या मार्गावर कोणताही अडथळा निर्माण झाल्यास तेल पुरवठा साखळी कोलमडू शकते.

सध्या इराणशी संबंधित संघर्षामुळे तेल उत्पादन आणि निर्यात यावर परिणाम झाला आहे. काही देशांनी उत्पादन कमी केले असून अनेक तेल टँकर्सना मार्ग बदलावा लागत आहे. परिणामी जागतिक बाजारात तेलाच्या किमतीत मोठी चढ-उतार दिसत आहे.

तज्ञांच्या मते हा संघर्ष लांबला तर तेलाच्या किमती प्रति बॅरल 100 ते 150 डॉलरपर्यंत जाऊ शकतात. ज्यामुळे जागतिक महागाई वाढेल आणि आर्थिक वाढ मंदावू शकते.

ऊर्जा क्षेत्रातील तणावामुळे फक्त इंधनच नव्हे तर वाहतूक, शेती, उत्पादन क्षेत्र आणि अन्नधान्य पुरवठ्यावरही परिणाम होऊ शकतो. गल्फ देशांमध्ये आयात-आधारित अर्थव्यवस्था असल्याने अन्नसुरक्षेचाही प्रश्न निर्माण होण्याची शक्यता आहे.

कोविड-19 काळातही तेल मागणी आणि पुरवठा विस्कळीत झाला होता. मात्र सध्याच्या संघर्षात प्रत्यक्ष उत्पादन, वाहतूक आणि पायाभूत सुविधांवर हल्ले होत असल्याने परिस्थिती अधिक गंभीर ठरू शकते असा इशारा सौदी अधिकाऱ्यांनी दिला आहे. इराण संघर्ष लवकर न सुटल्यास जागतिक तेल बाजारपेठ, महागाई आणि आर्थिक स्थैर्यावर मोठा परिणाम होण्याची शक्यता याआधी अनेक तज्ञांनी व्यक्त केली आहे.