Dhananjay Munde : महंत नामदेव शास्त्री यांच्या पाठिंब्यानंतर मुंडेची पहिली प्रतिक्रिया, 'इतकी मोठी शक्ती...'

Dhananjay Munde on Santosh Deshmukh Case : बीडच्या मस्साजोगचे सरपंच संतोष देशमुख हत्या प्रकरणात वाल्मिक कराडवर मकोका अंतर्गत गुन्हा दाखल झाल्यानंतर आता मंत्री धनंजय मुंडे यांच्या राजीनाम्याची मागणी विरोधकांकडून होतेय. राज्य सरकार देखील मुंडे राजीनाम्याबाबत काहीच हालचाली करत नाही.त्यात धनंजय मुंडे यांनी गुरूवारी भगवान गडावर जाऊन डॉ. नामदेव शास्त्री महाराज यांची भेट घेतली. या भेटीनंतर डॉ. नामदेव शास्त्री महाराज यांनी धनंजय मुंडे यांना पाठिंबा दर्शवला आहे. याच पाठिंब्यावर आता धनंजय मुंडे यांनी भाष्य केले आहे.गेल्या 53 दिवसांपासून मला जाणीवपुर्वक टार्गेट केलं जातंय. पण तुम्हाला माझा राजीनामा हवाय की धनंजय देशमुख यांना न्याय, असा खडा सवाल धनंजय मुंडे यांनी उपस्थित केला आहे.