संतप्त पालकांनी जिल्हा परिषद शाळेला ठोकले कुलूप, धाराशिवमधील घटना, नेमकं काय घडलं?

धाराशिव : धाराशिव जिल्ह्यातील ईट येथील जिल्हा परिषद शाळेला संतप्त पालकांनी कुलूप लावले. शिक्षक संख्या कमी असल्याने विद्यार्थ्यांचे शैक्षणिक नुकसान होत असल्याने संतप्त झालेल्या पालकांनी हे पाऊल उचलले. मागील 2 दिवसांपासून ग्रामपंचायत सदस्य सयाजी राज हुंबे हे आमरण उपोषण करत आहेत. जिल्हा परिषदेत शाळेचा प्रश्न सोडवण्याची मागणी ग्रामस्थांनी प्रशासनाकडे केली आहे. ईट येथील जिल्हा परिषद शाळेत एकूण 1150 विद्यार्थी शिक्षण घेतात. मात्र, प्रशासनाच्या उदासीनतेमुळे विद्यार्थ्यांचे नुकसान होत आहे.