नवऱ्याला मारल्याची बातमी आली अन् तिनं बंदूक उचलली! मराठवाड्याच्या मुक्तीसाठी एक वाघीण लढली

...तेवढ्यात दुसरी गोळी सुटली आणि रझाकार सैरवैर पळी लागले. शेवटी चिडलेल्या रझाकारांनी घर पेटवायचं ठरवलं आणि वाड्याला आग लावली. गोदावरीबाई आत कोंडल्या गेल्या, वाड्यातून धुराचे लोट निघू लागले, एकीकडे वाड्यातून गोळ्या सुटत होत्या आणि दुसरीकडे आग वाढत चालली होती. परंतु जळण्याचं भय गोदावरीबाईंना नव्हतं. अग्नीच्या ज्वाळा जवळ आल्या तरी त्या निर्भयपणे गोळीबार करत होत्या. वाडा सर्व बाजूंनी पेटला, ज्वाळा आकाशात झेपावू लागल्या. आतून होणारा गोळीबारही थांबला! अग्नीने या वीरपत्नीला सामावून घेतलं. त्यांचं हे बलिदान इतिहासात सुवर्णाक्षरांनी लिहिलं गेलं.