आई-बापाला दारू प्यायची सवय, नशेत लेकीसोबत किळसवाणे कृत्य, छ.संभाजीनगर हादरलं

प्रत्यक्षदर्शींनी दिलेल्या माहितीनुसार, मुलगी अत्यंत दयनीय अवस्थेत आढळून आली. तिच्या पाठीवर, हातावर आणि पायांवर चटक्यांचे ८ ते १० वण दिसून आले. हा अत्याचार गेल्या काही दिवसांपासून सुरू असल्याचा संशय शेजाऱ्यांनी व्यक्त केला आहे. घटनेची माहिती मिळताच पोलिसांनी तात्काळ घटनास्थळी धाव घेतली. मुलीला सुरक्षित ताब्यात घेऊन वैद्यकीय तपासणीसाठी पाठवण्यात आलं आहे. संबंधित सावत्र पित्याविरोधात गुन्हा दाखल करण्यात आला. सकाळी हा नराधम फरार झाला होता.

मुलीचे आई-वडील हे रोज मजुरी करून आपला उदरनिर्वाह करतात, आई कचरा बॉटल जमा करून घर चालवते, मात्र मुलीच्या आई-वडिलांना दोघांनाही दारू पिण्याची सवय आहे, त्यामुळे मुलांकडे लक्ष नाही. आई बाहेर मजुरीसाठी गेली असताना वडिलांनी दारू पिऊन मुलीचे कपडे काढून मुलीला जवळ घेतलं. पोटाची आणि गुप्तांगाची पप्पी घेतली. मुलीच्या हे सगळं लक्षात आलं त्यावेळेस ती घरातून बाहेर पळत गेली आणि शेजारच्यांना सांगितलं. शेजारी महिलांनी तिच्या आईला सर्व प्रकार सांगितल्यानंतर, मुलीच्या आईने तक्रार दिली. त्यानुसार, आम्ही पॉक्सो नुसार, गुन्हा दाखल करून आरोपी वडिलाला ताब्यात घेतलं, अशी माहिती वाळूज पोलीस ठाण्याचे वरिष्ठ पोलीस निरीक्षक रामेश्वर गाडे यांनी दिली. या प्रकरणाचा अधिक तपास पोलीस करत आहे.