राज्यसभा निवडणुकीच्या इतिहासात महाराष्ट्रात पहिल्यांदाच असं घडलं, शरद पवारांच्या अर्ज दाखल पण...

तर महाविकास आघाडीकडून शरद पवारांचा अर्ज दाखल केला आहे. शरद पवार हे अर्ज दाखल करण्यासाठी निवडणूक निर्णय अधिकारी कार्यालयात येऊ शकले नाही. तब्येतीच्या कारणास्तव शरद पवार हे अर्ज दाखल करण्यासाठी आले नाही. निवडणूक अधिकाऱ्यांनी घरी जाऊन निवडणूक प्रक्रिया पूर्ण केली आहे.  जे जे हॉस्पिटलचे अधीक्षक यांनी यावेळी शपथ दिली. आजारी व्यक्ती अर्ज दाखल करण्यासाठी आला नाही, अशी ही राज्यातील पहिलीच घटना आहे.   शरद पवारांचा अर्ज भरण्यासाठी जयंत पाटील,  हर्षवर्धन सपकाळ, सुप्रिया सुळे, संजय राऊत आणि इतर मविआ नेते उपस्थित होते. त्याचबरोबर राष्ट्रवादीकडून पार्थ पवारांनी उमेदवारी अर्ज भरताना मुख्यमंत्र्यांसह उपमुख्यमंत्री सुनेत्रा पवारही उपस्थित होत्या.

अनेक चर्चानंतर अखेर शिवसेनेच्या राज्यसभेच्या उमेदवारानं आपला अर्ज दाखल केला. शिवसेनेकडून राज्यसभेसाठी ज्योती वाघमारे यांनी आपला उमेदवारी अर्ज दाखल केला.. शिवसेनेनं दोन उमेदवार दिले असते तर राज्यसभा निवडणुकीसाठी रंगत निर्माण झाली असती. पण शिवसेनेनं ज्योती वाघमारेंच्या नावावर शिक्कामोर्तब केलं. त्यामुळे आता राज्यसभा निवडणूक बिनविरोध होण्याची शक्यता आहे.

दरम्यान, राज्यसभा निवडणुकीसाठी दोन अपक्ष अर्ज दाखल करण्यात आले आहेत. मात्र, सूचक म्हणून १० आमदारांच्या स्वाक्षरी नसल्याने हे अर्ज छाननी मध्ये बाद होतील, असं सांगण्यात आलं आहे. त्यामुळे  परिणामी ही निवडणूक बिनविरोध होण्याची शक्यता आहे.