Farming Machine: शेतकरी पुत्रांची कमाल! एकाच मशीनने होणार तीन कामं, पेटंटही मिळवलं

केगाव येथील सिंहगड कॉलेज ऑफ इंजीनियरिंग या महाविद्यालयात शिकणारा विद्यार्थी चेतन म्हेत्रे याने मागील वर्षी पास आऊट झालेल्या तीन विद्यार्थ्यांच्या साथीने हा प्रोजेक्ट बनवला आहे. विद्यार्थ्यांनी कमीत कमी खर्चात हा प्रोजेक्ट बनवण्याचा प्रयत्न केला. शेतामध्ये नांगरणी करण्यासाठी बैल जोडीसाठी येणाऱ्या खर्चापेक्षा या मशीनचा खर्च कमी असणार आहे. हे मशीन बॅटरीवर चालते. त्यामुळे शेतकऱ्यांचा इंधन खर्च वाचेल. एकदा चार्ज केल्यानंतर हे मशीन दोन ते तीन तास चालते.

विशेष म्हणजे या विद्यार्थ्यांनी मशीनचं पेटंट देखील मिळवलं आहे. शेतकऱ्यांच्या मुलांनी बनवलेल्या या अनोख्या मशीनमुळे आता शेतकऱ्यांचं काम सोपं होणार आहे. सोलापूर जिल्ह्यात अजूनही अनेक ठिकाणी पारंपरिक पद्धतीने शेतीची कामं केली जातात. काहीवेळा त्यासाठी मनुष्यबळाची देखील गरज भासते. त्यामुळे शेतकऱ्यांचा जास्त खर्च होतो. चेतन म्हेत्रे आणि त्याच्या मित्रांनी बनवलेलं मशीन शेतकऱ्यांसाठी उपयुक्त ठरू शकतं.