30 प्रवाशांनी भरलेल्या बसचा अपघात, खिडकीतून वाचवला जीव, गडचिरोलीत रात्री उशिरा थरार

महेश तिवारी, प्रतिनिधी गडचिरोली: ३० प्रवाशांनी भरलेली बस एका मोठ्या नाल्याच्या वळणावर उलटली आणि अर्ध्यावरच लटकली. सुदैवाने, प्रवाशांचे नशीब बलवत्तर म्हणून ही बस ६ फूट खोल पाण्यात कोसळली नाही, अन्यथा मोठा अनर्थ ओढवला असता. या घटनेनंतर बस चालकाने प्रवाशांना वाऱ्यावर सोडून घटनास्थळावरून पळ काढल्याने संताप व्यक्त केला जात आहे. ही धक्कादायक घटना गडचिरोली जिल्ह्यातील सिरोंचा तालुक्यात घडली. 30 प्रवाशांनी भरलेल्या बसचा भीषण अपघात होता होता टळला.