बाळा, थंडी वाजतेय का? म्हणत आईने जवळ घेतलं, अन् बिबट्याने डोळ्यांदेखत हिसकावून नेलं; गोंदियात तीन वर्षांच्या चिमुकल्याचा मृत्यू!

रवी सपाटे, प्रतिनिधी गोंदिया:  नियती किती क्रूर असू शकते याचा प्रत्यय गोंदिया जिल्ह्यात आला आहे. ज्या आई-वडिलांनी थंडीपासून वाचवण्यासाठी आपल्या पोटच्या गोळ्याला पोटाशी धरून चुलीजवळ बसवलं होतं, त्यांच्याच डोळ्यांदेखत काळाने झडप घातली. तिरोडा तालुक्यातील खडकी इथं बिबट्याने तीन वर्षांच्या हियांशला आई-वडिलांसमोरून उचलून नेले आणि जंगलात त्याचा करुण शेवट झाला. या घटनेने संपूर्ण जिल्हा हळहळत असून वनविभागाच्या निष्काळजीपणावर संताप व्यक्त केला जात आहे.