पहाटे उठून अभ्यासाला बसली अन् नियतीपुढे झाली 'नापास', विद्यार्थिनीचा होरपळून मृत्यू

रवी सपाटे, प्रतिनिधी गोंदिया: गोंदिया जिल्ह्यातील मारमजोब गावात मन हेलावून टाकणारी घटना घडली आहे. इथे अकरावीत शिकणाऱ्या एका विद्यार्थिनीचा होरपळून मृत्यू झाला आहे. पीडित विद्यार्थिनी अकरावीत शिकत होती. अभ्यास करण्यासाठी ती शुक्रवारी पहाटे साडेपाच वाजता उठली होती. सध्या थंडीचे दिवस सुरू असल्याने ती चुलीसमोर बसून अभ्यास करत होती, मात्र अचानक लागलेल्या आगीमुळे विद्यार्थिनीची होरपळून मृत्यू झाला आहे. या घटनेची माहिती पोलिसांना देण्यात आली आहे.