Gondia News : गोंदियात शासकीय महाविद्यालयातील शिकावू डॉक्टराचं धक्कादायक पाऊल, आरोग्य विभागात खळबळ

गोंदिया जिल्ह्यातील शासकीय वैद्यकीय महाविद्यालयामध्ये इंटरशिप करत असलेला भूषण विशाल वाढोणकर (वय 24 वर्ष, रेल्वे चांदूर अमरावती जिल्हा येथे राहणारा) हा विद्यार्थी गोंदिया येथील वैद्यकीय महाविद्यालयाच्या वस्तीगृहात वास्तव्याला होता. इमारत क्रमांक 7 मध्ये तिसऱ्या माळ्यावर डी 31 क्रमांकाच्या रूममध्ये राहत होता. सकाळी आपली ड्युटी करून सायंकाळी रूम वर आला. रूममध्ये रहाणारा सहकारी हा रात्रीची ड्युटी असल्याने आपल्या ड्युटीवर गेला. सकाळी 8 वाजेपर्यंत रुम सहकाऱ्याने त्याला कॉल केला. मात्र, कॉलचा प्रतिसाद दिला नाही. त्यामुळे त्यांनी रूमच्या बाजूला असलेल्या रूममध्ये राहणाऱ्यांना कॉल केले. त्यांनी रूम मध्ये जाऊन बघितले असता. भूषण याने सीलिंग पंख्याला दोराने गळफास घेतला असल्याचे आढळून आले. ही घटना सकाळी 8.30 ला उघडकीस आली. याची माहिती गोंदिया शहर पोलिसांना देण्यात आली असून पोलिसांनी घटनस्थळी जाऊन मृतदेह काढून शवविच्छेदन करण्यासाठी पाठवण्यात आला आहे. पोलीस याविषयी अधिक तपास करीत आहेत. तर भूषण यांनी कोणत्या कारणाने गळ भास घेतला हे मात्र अद्यापही गुलदस्त्यात आहे.

गोंदिया रेल्वे स्टेशन जवळ असलेल्या हॉटेल हार्मोनी या हॉटेलमध्ये गोंदिया शहरातील एका युवकाने आत्महत्या केल्याने सर्वत्र खळबळ उडाली आहे. सकाळी जेव्हा हॉटेलच्या संबंधित कर्मचाऱ्यांनी आवाज दिला तर कोणताही प्रतिसाद त्यांच्याकडून आला नाही. त्यामुळे डुप्लिकेट चावीने रूम उघडण्यात आली. त्यानंतर हा सर्व प्रकार समोर आला आहे. या तरुणाने आत्महत्या का केली? याबद्दल अद्याप माहिती समोर आली नाही.