Gondia : माजी नगरसेवकावर गोळीबार प्रकरणी चौघे अटकेत, मास्टरमाइंड फरार; हल्ल्याचं कारण आलं समोर

रवी सपाटे, गोंदिया : गोंदिया येथील माजी नगरसेवक लोकेश (कल्लू) यादव यांच्यावर 11 जानेवारी रोजी अज्ञात आरोपींनी गोळीबार केला होता. यात लोकेश यादव हे गंभीर जखमी झाले. त्यांना उपचारासाठी नागपूर येथे हलविण्यात आले होते. लोकेश यादव यांच्यावर शस्त्रक्रिया करून त्यांना लागलेली गोळी बाहेर काढली. त्यांची प्रकृती सध्या स्थिर आहे. दरम्यान, या  प्रकरणी चार आरोपींना 48 तासात पोलिसांनी अटक केली असून त्यांना न्यायालयाने 22 जानेवारीपर्यंत पोलीस कोठडी सुनावली आहे. तर याप्रकरणातील दोन मुख्य आरोपींचा फरार असून पोलिस त्यांचा शोध घेत आहेत अशी माहिती पोलिस अधिक्षक निखिल पिंगळे यांनी दिली आहे.