गोंदिया शहरात माजी नगरसेवक लोकेश यादव यांच्यावर गोळीबार, गंभीर जखमी

याबाबत मिळालेली माहिती अशी की, लोकेश यादव यांच्यावर गोंदिया शहर पोलीस स्टेशनच्या हद्दीत असलेल्या यादव चौक या ठिकाणी गोळीबार झाला. लोकेश यादव यांच्या पाठीवर गोळीबार करण्यात आला. यात ते जखमी झाले असून उपचारासाठी शासकीय महाविद्यालयात दाखल केलं होतं. मात्र गंभीर जखमी असल्याने नागपूरला हलवण्यात आले. गोळीबाराच्या घटनेनंतर शहरात दहशतीचे वातावरण आहे. त्यांच्या समर्थकांनी रुग्णालय आवारात मोठी गर्दी केली आहे.

लोकेश यादव यांच्यावर तीन अज्ञातांनी हेमू कॉनलीजवळ गुरुवारी सकाळी अकरा वाजण्याच्या सुमारास गोळीबार केला. त्यांच्या कंबरेला गोळी लागल्याची माहिती समोर आली आहे. लोकेश यादव हे शिवसेना उद्धव बाळासाहेब ठाकरे गटाचे जिल्हाध्यक्ष पंकज यादव यांचे भाऊ आहेत. त्यांच्यावर गोळीबाराच्या घटनेनंतर राजकीय वर्तुळात खळबळ उडाली आहे.