त्वचा नाही शरीरावर खोल भेगा, काय आहे हा दुर्मीळ आजार, जो महाराष्ट्रातल्या नवजात बाळात आढळला

नवजात बाळ येणार याचा आनंद काही वेगळाच असतो, मात्र ते जन्माला येताच जगण्यासाठी सगळ्यात मोठा संघर्ष करावा लागणं आणि त्यातून सुखरुप वाचणं हे मोठं आव्हान चिमुकल्यासमोर आहे. गडचिरोली जिल्हा महिला व बाल रुग्णालयात अत्यंत दुर्मीळ आजार असलेल्या नवजात बाळाचा जन्म झाला. ज्याची अवस्था पाहून अनुभवी डॉक्टरांचेही डोळे पाणावले. नवजात बाळ आल्याचा आनंद साजरा करायचा की त्याला जो आजार झालाय त्याचं दु:ख करावं असा प्रश्न कुटुंबियांसमोर आहे. अत्यंत दुर्मीळ समजल्या जाणाऱ्या हार्लेक्विन इचथिओसिस या आजाराने ग्रस्त असलेल्या या बाळाची सध्या मृत्यूशी झुंज सुरू आहे.