Nagpur: लेकरं झाली तरी सागर पिच्छा सोडेना, सोनालीने भेटायला बोलावलं अन् बाईकवरच गळा कापला, नवऱ्यानेही केले सपासप वार

आरोपी सोनाली आणि मृत सागर वानखेडेचे लग्नापूर्वी प्रेमसंबंध होते. सागरने सोनालीसोबत लग्न करण्याचीही इच्छा बोलून दाखवली होती. मात्र, सोनालीने राजू गजभिये हिच्याशी लग्न केलं. लग्न झााल्यानंतर सोनाली आणि राजू गजभिये यांना दोन मुलं आहेत. परंतु सोनाली आणि सागर लग्नानंतरही संपर्कात होते. ही बाब समोर आल्यानंतर  राजू गजभिये यांनी खापरखेडा पोलीस ठाण्यात तक्रार केली होती. पण, सागर काही ऐकायला तयार नव्हता.

दरम्यान,  मृत सागर वानखेडे हा होळीनिमित्त पुण्याहून गावी आला होता. या दरम्यान त्याने सोनालीला इंस्टाग्रामवर भेटण्यासाठी मॅसेज केला. आज गुरुवारी सकाळी  १० वाजेदरम्यान सागर आणि सोनाली एकाच बाईकवरून गेले असता सोनालीने रस्त्यात मुद्दाम तिची पर्स खाली टाकली.  सागरने बाईक थांबताच सोनालीने सोबत नेलेल्या चाकूने दोन वार केले. त्यानंतर राजू गजभिये पाठलाग करत तिथे पोहचला त्यानेही सागरवर अनेक वार केले.  यामध्ये गंभीर जखमी झालेल्या सागरचा जागीच मृत्यू झाला.

भर रस्त्यावर खून झााल्याची घटना घडल्यामुळे एकच गोंधळ उडाला. स्थानिकांनी घटनेची माहिती पोलिसांना दिली. पोलिसांनी घटनास्थळी धाव घेतली आणि आरोपी पती - पत्नीला पोलिसांनी ताब्यात घेतलं. तर रक्ताच्या थारोळ्यात कोसळलेल्या सागरला एका पिकअप व्हॅनमध्ये टाकून रुग्णालयात नेण्यात आलं होतं. पण, डॉक्टरांनी तपासून त्याला मृत घोषित केलं.  या प्रकरणी कोराडी पोलिस ठाण्यात गुन्हा दाखल करण्याात आला आहे. या प्रकरणाचा पोलिसांकडून पुढील तपास सुरू आहे.