'वारकरी संप्रदायाची क्षमा मागतो', अखेर गोविंदगिरी महाराजांनी मागितली माफी

पुणे:  सावित्रीबाई फुले पुणे विद्यापीठात स्वामी गोविंद देवगिरी महाराज यांच्या वक्तव्यावरुन वाद निर्माण झाला होता. संतपरंपरेत समर्थ रामदास स्वामींचा ‘दासबोध’ हा एकमेव स्वतंत्र ग्रंथ असल्याचं त्यांनी म्हटलं होतं. तर ‘ज्ञानेश्वरी’ आणि ‘एकनाथी भागवत’ ही भाष्यं असून ‘तुकाराम गाथा’ आणि ‘नामदेव गाथा’ या संकलन स्वरूपातील असल्यानं त्यांना स्वतंत्र ग्रंथ म्हणता येणार नाही, असं ते म्हणले होते...त्यांच्या या विधानानंतर वारकरी संप्रदायात तीव्र नाराजी व्यक्त करण्यात आली होती. अखेरीस गोविंद देवगिरी महाराजांनी आपलं वक्तव्य मागे घेत वारकरी संप्रदायाची माफी मागितली आहे.