Chhagan Bhujbal : 'भुजबळांना परत यायचं असेल तर...', शरद पवारांच्या भेटीनंतर राष्ट्रवादीच्या नेत्याचं मोठं विधान

मागच्या काही दिवसांपासून छगन भुजबळ राष्ट्रवादी काँग्रेसमध्ये नाराज असल्याच्या चर्चा सुरू आहेत. लोकसभा निवडणुकीमध्ये नाशिकमधून लढण्यासाठी आपल्याला भाजपच्या केंद्रीय नेतृत्वाकडून सांगण्यात आल्याचं भुजबळ म्हणत होते, पण ही जागा शेवटी शिवसेनेला देण्यात आली. तसंच भुजबळांना राज्यसभेवर पाठवलं जाईल, अशीही चर्चा होती. पण अजित पवारांच्या पत्नी सुनेत्रा पवार यांना राज्यसभेवर पाठवलं गेलं. राज्यसभा न मिळाल्यामुळे भुजबळ नाराज झाल्याचंही बोललं गेलं होतं. तसंच राष्ट्रवादीच्या मेळाव्यातही भुजबळांनी विधानसभा निवडणुकीच्या जागावाटपाचा निर्णय लवकर घ्या असं वक्तव्यही केलं होतं. तसंच जागावाटपामध्ये राष्ट्रवादीला 80-85 जागा मिळाल्या पाहिजेत, अशी भूमिकाही भुजबळांनी मांडली होती.