व्हिडीओ पुरावे दिलेत, लवकर निर्णय घ्या, निकालानंतरही हार मानणार नाही, इम्तियाज जलील यांचा पवित्रा

छत्रपती संभाजीनगर : भारत हा जगातील सगळ्यात मोठा लोकशाही देश आहे. या लोकशाहीत सर्वात बोगस कोणती सिस्टम असेल तर एलेक्ट्रोल सिस्टम आहे. या व्यवस्थेतील सर्व लोक भाजप आणि मोदींसाठी काम करणारे आहेत. एवढे उघडपणे आम्ही व्हिडिओचे पुरावे देत आहे. एका वकिलाच्या ऑफिसमध्ये मुस्लिम लोकांना दीड हजार रुपये देऊन त्यांच्या बोटाला शाई लावली जात होती. दलित वस्तीत कशा प्रकारे पैशाचा वापर झाला हे आम्ही दाखवले. याची चौकशी कसली करता? तुमचे डोळे झाकले होते का? जिल्हाधिकारी कोणत्या आधारावर म्हणतात की असे झालेच नाही, असा संताप पराभूत उमेदवार इम्तियाज जलील यांनी व्यक्त केला.