इराण-इस्रायल युद्धाची झळ थेट महाराष्ट्राला, कुठे-किती गॅस सिलिंडरचा तुटवडा?

घरगुती गॅस सिलिंडर मिळवण्यासाठी सध्या पंढरपूरमध्ये नागरिकांना कसरत करावी लागत आहे. गॅसच्या तुटवड्यामुळे घरपोच गॅस सेवा मिळत नाही. अशातच नागरिकांनी रांगा लावून गॅस खरेदी करण्याकडे गर्दी केलेली दिसून येत आहे. प्रशासनाकडून गॅसचा काळाबाजार होऊ नये यासाठी भरारी पथके नेमण्यात आली आहेत. अशा परिस्थितीतही घरात चूल बंद होऊ नये. घरातील गॅस चालू राहावा. त्यासाठी रांगा लावून लोक गॅस खरेदी करत आहेत.

धाराशिव इराण अमेरिका युद्धाच्या पार्श्वभूमीवर गॅस तुटवडा रोखण्यासाठी भारत सरकारने घरगुती गॅस 60 रुपयांने महाग केला तर त्यात गॅस बुक केल्यानंतर 25 दिवस पूर्ण झाल्यानंतर च गॅस मिळणार आहे सरकारने या जारी केल्याला या नवीन निर्बंधा वर सामान्य गहिणींनी तीव्र संताप व्यक्त केला असून आता उन्हाळा सुरू आहे सुट्टी चे दिवस असल्याने गॅस वापर जास्त होणार आहे त्यात पहिल्या सारखी चूल पेटवण्यासाठी लाकडं देखील उपलब्ध होत नसल्याने सरकारने निर्बंध कमी करावे अशी मागणी महिलांनी केली आहे.

गॕस नसल्याने चुलीवर जेवण शिजवण्याची वेळ पुण्यातील व्यवसायिकांवर आली आहे. युद्धामुळे हॉटेल व्यवसायिकांवर ही वेळ आली. कमर्शियल गॅसचा पुरवठा पुण्यात बंद असल्याने हॉटेल व्यावसायिक अडचणीत आले आहेत.

गॅस टंचाईमुळे सर्वसामान्यांना एक सिलिंडर तरी मिळावं यासाठी रांगेत उभे राहावं लागतंय. नागरिकांना आपल्या नोकऱ्या सोडून रांगेत उभे रहावे लागत आहे तर घरात गॅस नसल्यामुळे महिलांना जेवण बाहेरून बोलवावे लागत आहे.

इजराइल इराण युद्धाचा फटका आता भारतातील नागरिकांनाही बसताना दिसत आहे. अमरावती शहरात गॅस सिलिंडरचा तुटवडा जाणवत आहे शहरात गॅस एजन्सींना कमी प्रमाणात सिलिंडर पुरवठा होत असल्याने ग्राहकांना वेळेवर सिलिंडर घरी पोहोचत नसल्याने ग्राहक थेट आता गॅस एजन्सी समोरच सिलिंडर घेऊन मागणी करत आहे.सिलिंडर साठी ग्राहकाने मोठ्या प्रमाणात रांग लावल्याचे चित्र सध्या अमरावती शहरात आहे. मागणीच्या तुलनेत पुरवठा कमी होत असल्याने ग्राहकांची मात्र तारांबळ उडत आहे सोबतच गॅस एजन्सी धारकांनाही ग्राहकांच्या रोशाचा सामना करावा लागत आहे.

कोल्हापूरातही सकाळपासून गॅससाठी लोकांनी रांग लावली आहे. गॅस वेळेत मिळत नसल्याने तिथल्या लोकांसोबत हुज्जत घातली आणि बाचाबाची सुरू केली. राजारामपुरीतील गॅस एजन्सीसमोर सिलिंडरसाठी नागरिकांनी पहाटेपासून गर्दी केली होती. तासनतास रांगेत उभे राहूनही गॅस मिळत नसल्याने नागरिक संतापले होते.

ठाणे महानगरपालिका हद्दीतील कळवा परिसरात गॅस सिलिंडरचा तुटवडा जाणवू लागला असून यामागे आखाती राष्ट्रांमध्ये सुरू असलेल्या युद्धाचा परिणाम असल्याची माहिती समोर येत आहे. कळवा शहरात सुमारे ४५ हजार घरांमध्ये एचपी गॅसचा पुरवठा केला जातो. मात्र सध्या मागणीच्या तुलनेत पुरवठा कमी होत असल्याने नागरिकांना मोठ्या अडचणींचा सामना करावा लागत आहे.