हॅपी स्कूल! कॅनडाच्या नागरिकांना जालन्यातील झेडपी शाळेची भुरळ, दिली खास भेट

जालना जिल्ह्यातील बदनापूर तालुक्यातील नजीक पांगरी गावातील जिल्हा परिषद शाळा सध्या चर्चेत आहे. या शाळेने हॅपी स्कूल उपक्रमांतर्गत ग्रामीण शिक्षणात एक नवीन आदर्श निर्माण केला आहे. येथे विद्यार्थ्यांसाठी स्टुडंट सेव्हिंग बँक, किचन गार्डन आणि सेंद्रिय खत प्रकल्प, आधुनिक कॉम्प्युटर लॅब, कोडिंगसारखे आधुनिक अभ्यासक्रम शिकवले जातात. या सर्व नवीन उपक्रमांमुळे कॅनडामधून आलेले रोटरी क्लबचे आंतरराष्ट्रीय पाहुणे या शाळेला भेट देण्यासाठी विशेषतः पांगरी येथे पोहोचले.