KDMC Election: डोंबिवलीच्या प्रभाग 29 मध्ये भाजप वापरणार अंबरनाथ पॅटर्न, शिंदेसेनेला धडधड!

डोंबिवली : डोंबिवलीत सत्ताधारी भारतीय जनता पक्ष आणि शिवसेनेचे काही उमेदवार बिनविरोध निवडून आले आहेत. शिवसेना भाजपची युती असतानाही आता प्रभाग 29 मध्ये भाजप विरुद्ध शिवसेना अशी लढत होणार आहे. त्यामुळे युती धर्म पाळला न गेल्याची चर्चा होती. पण या प्रभागात मैत्रीपूर्वक लढत होणार आहे असे भाजप कल्याण जिल्हा अध्यक्ष नंदू परब यांनी सांगितले. तर या ठिकाणी शंभर टक्के अंबरनाथ पॅटर्न राबवला जाईल, असा थेट इशारा नंदू परब यांनी दिल्याचे बोलले जात आहे.