वाढत्या शहरीकरणात कोल्हापुरकर होणार सुरक्षित; 'अग्निशमन' यंत्रणेने घेतला 'हा' मोठा निर्णय, हालचालींना वेग!

कोल्हापूर : शहराच्या उपनगरांत वाढत चाललेली लोकवस्ती आणि भविष्यातील संभाव्य हद्दवाढ लक्षात घेता महानगरपालिका अग्निशमन विभागाने एक महत्त्वाचा निर्णय घेतला आहे. नागरिकांच्या सुरक्षिततेसाठी शहरात आणखी तीन नवीन अग्निशमन स्थानके सुरू करण्यासाठी जागा उपलब्ध करून देण्याची विनंती अग्निशमन विभागाने नगररचना विभागाला केली आहे. सध्या शहराचा विकास आराखडा तयार करण्याचे काम सुरू असल्याने, त्यातच या जागा आरक्षित करण्याची तयारी सुरू आहे.