Vidhansabha Election : विधानसभेसाठी तिसरी आघाडी? राजू शेट्टी घेणार प्रकाश आंबेडकरांची भेट; म्हणाले आम्ही..

राजू शेट्टी म्हणाले, की परिवर्तन आघाडीच्या माध्यमातून आम्ही राज्यभर उमेदवार देणार आहोत. स्वाभिमानी शेतकरी संघटना शरद जोशी यांची शेतकरी संघटना डी आर एस यांच्यासह छोट्या मोठ्या संघटना यांची मिळून परिवर्तन आघाडी निर्माण झाली आहे. उद्या प्रकाश आंबेडकर यांची पुण्यामध्ये याच मुद्द्यावरून भेट घेणार आहोत. बैठकीमध्ये शिरोळच्या जागेसाठी आम्ही आग्रही राहू. आम्हालाही जागा आल्यानंतर उमेदवारावर चर्चा केली जाईल. मला लोकसभेमध्ये जाऊन एमएसपी कायदा लागू करून घ्यायचा आहे. आता माझी चळवळ केवळ त्यासाठी चालू आहे. देशभर शेतकऱ्यांची मोट बांधण्याचा प्रयत्न करत आहे. कपिल पाटील यांच्यासह शहरातील छोट्या-मोठ्या संघटना देखील परिवर्तन आघाडीमध्ये सहभागी झाल्या आहेत. प्रत्येक मतदारसंघांमध्ये स्वच्छ चारित्र्याचा उमेदवार शोधून त्यांच्या पाठीशी परिवर्तन आघाडीची ताकद देऊ, असं विधान राजू शेट्टी यांनी यावेळी केलं.