मोठी बातमी: पुणे शहरातील औंध भागात बिबट्याची एन्ट्री, सोसायटीतील CCTV Video, पुणेकर दहशतीत

अभिजीत पोते, प्रतिनिधी, पुणे : उत्तर पुणे जिल्ह्यातील जुन्नर, खेड, आंबेगाव, शिरूर अशा तालुक्यांतील गावांत बिबट्याच्या दहशतीने शेतकरी वर्ग घराबाहेर पडायला घाबरत असताना आता पुणे शहरातील नागरिकांच्या मनात दहशत बसली आहे. कारण पुणे शहरातील औंध भागात बिबट्याचे दर्शन झाले आहे. पहाटेच्या सुमारास एका सोसायटीच्या आसपास बिबट्याचा मुक्त संचार सुरू असल्याचा व्हिडीओ सीसीटीव्हीमध्ये कैद झाला आहे.