Krushi Market Today: सोयाबीन-कांद्याची आवक वाढली, दर घसरले, आजचे भाव काय?

अशी राहिली मका आवक: राज्याच्या कृषीमार्केट मध्ये आज एकूण 260 क्विंटल मक्याची आवक झाली. यापैकी छत्रपती संभाजीनगर मार्केटमध्ये 257 क्विंटल सर्वाधिक पिवळी मका आवक झाली. त्यास मक्याच्या प्रतीनुसार कमीत कमी 1400 ते जास्तीत जास्त 2000 रुपये प्रतिक्विंटल बाजार भाव मिळाला. तसेच पुणे मार्केटमध्ये आवक झालेल्या 3 क्विंटल मक्यास सर्वाधिक 2150 रुपये सर्वसाधारण भाव मिळाला.

कांद्याची आवक: राज्याच्या मार्केटमध्ये 28 हजार 362 क्विंटल कांद्याची एकूण आवक झाली. यापैकी 12 हजार 486 क्विंटल सर्वाधिक आवक अहिल्यानगर बाजारात झाली. तसेच सातारा मार्केटमध्ये आवक झालेल्या 340 क्विंटल कांद्यास प्रतीनुसार 1000 ते 2000 रुपये प्रतिक्विंटल बाजारभाव मिळाला. तसेच सोलापूर मार्केटमध्ये 19 क्विंटल कांद्यांची सर्वात कमी आवक होऊन त्यास 250 ते 800 दरम्यान भाव मिळाला.

सोयाबीन उत्पादकांची कोंडी: राज्याच्या मार्केटमध्ये सोयाबीनची 581 क्विंटल एकूण आवक झाली. यापैकी लातूर मार्केटमध्ये सर्वाधिक 375 क्विंटल आवक राहिली. त्यास प्रतीनुसार 4200 ते 4500 रुपये प्रतिक्विंटल बाजार भाव मिळाला. तसेच छत्रपती संभाजीनगर मार्केटमध्ये आवक झालेल्या 17 क्विंटल सोयाबीनला 3660 सर्वसाधारण भाव मिळाला.

सोयाबीन खरेदी केंद्रे अद्याप सुरू नाहीत. अतिवृष्टीने हातातोंडाशी आलेल्या सोयाबीन पिकाचे मोठे नुकसान झाले आहे. शासनाने सोयाबीनसाठी 5 हजार 328 रुपये प्रति क्विंटल हमीभाव जाहीर केला असला; तरी शासकीय खरेदी केंद्रे अद्याप सुरू करण्यात आलेली नाहीत. यामुळे खाजगी व्यापाऱ्यांकडून अवघ्या 4400 रुपयांमध्ये सर्वाउत्तम दर्जाचे सोयाबीन लुटले जात आहे. यामुळे शेतकऱ्यांची फरपट आणि पदरात तोटा कायम आहे.