Krushi Market Today Rate: सोयाबीनची आवक वाढली मात्र दर स्थिर, कांद्यासह इतर शेतमालांची स्थिती काय?

मक्याचे भाव कोसळले: राज्याच्या कृषीमार्केट मध्ये आज एकूण 22 हजार 403 क्विंटल मक्याची आवक झाली. यापैकी जळगाव मार्केटमध्ये 5500 क्विंटल मक्याची आवक झाली. त्यास कमीत कमी 1100 ते 1813 रुपये दरम्यान प्रतिक्विंटल प्रमाणे बाजार भाव मिळाला. तसेच मुंबई मार्केटमध्ये आवक झालेल्या 371 क्विंटल मक्यास 2800 ते 3500 रुपये दरम्यान बाजारभाव मिळाला.

कांद्यांची उच्चांकी आवक: राज्याच्या मार्केटमध्ये 2 लाख, 29 हजार 278 क्विंटल कांद्याची एकूण आवक झाली. यापैकी 1 लाख, 18 हजार 593 क्विंटल सर्वाधिक आवक नाशिक बाजारात झाली. त्यास प्रतीनुसार कमीत कमी 414 ते जास्तीत जास्त 1935 रुपयांपर्यंत बाजार भाव मिळाला. तसेच नागपूर मार्केटमध्ये आवक झालेल्या 1110 क्विंटल कांद्यास प्रतीनुसार 1875 रुपयांपर्यंत सर्वसाधारण बाजार भाव मिळाला.

सोयाबीन आवक: राज्याच्या मार्केटमध्ये 1 लाख, 23 हजार 629 क्विंटल सोयाबीनची एकूण आवक झाली. यापैकी अमरावती मार्केटमध्ये सर्वाधिक 19 हजार, 830 क्विंटल आवक राहिली. त्यास प्रतीनुसार 3800 ते 4300 रुपये प्रतिक्विंटल बाजार भाव मिळाला. तसेच बुलढाणा मार्केटमध्ये 6460 क्विंटल सोयाबीनची आवक होऊन त्यास 3320 ते 4739 रुपये दरम्यान बाजारभाव मिळाला.