Sharad Pawar : 'आधी सकाळ का संध्याकाळ बघावं लागतं', शरद पवारांचा उदयनराजेंना टोला

सातारा : लोकसभा निवडणुकीच्या प्रचारासाठी शरद पवार साताऱ्यामध्ये आले होते. या प्रचारसभेमध्ये शरद पवारांनी भाजपचे उमेदवार उदयनराजे भोसले यांच्यावर टीका केली आहे, तसंच शशिकांत शिंदे यांना निवडून द्यायचं आवाहनही सातारकरांना केलं आहे. जे देशाच्या हिताचं नाही, त्यांना धडा शिकवायची ताकद सातारकरांमध्ये आहे. इंग्रजांच्या काळात सातारकर घाबरले नाहीत,किरकोळ लोकांच्यासमोरसुद्धा घाबरणार नाहीत. शशिकांत शिंदे कष्टकरी कुटुंबातले आहेत. लोकसभेला दिलेला उमेदवार तुमच्या पाठिंब्यावर यशस्वी होईल, असा विश्वास शरद पवारांनी व्यक्त केला आहे.