माझ्या बहिणींच्या केसाला जरी धक्का लागला तर हात छाटेल, महाडिकांच्या वक्तव्यावर ठाकरे भडकले

अहमदनगर:  लाडकी बहीण योजनेचे पैसे घेणाऱ्या महिला जर काँग्रेसच्या रॅलीत, सभेत दिसल्या तर त्यांचे फोटो काढून आम्हाला पाठवा, आम्ही त्यांची व्यवस्था करू, असं वादग्रस्त वक्तव्य भाजपचे राज्यसभा खासदार धनंजय महाडिक यांनी केलं आहे. या वक्तव्यामुळे नवा वाद उफाळला असून या वक्तव्याविरोधात उद्धव ठाकरेंनी जोरदार हल्लाबोल करत निषेध व्यक्त केला आहे.माझ्या बहिणींच्या केसाला जरी धक्का लागला तर हात छाटेल, असा थेट इशारा उद्धव ठाकरेंनी दिला आहे. अहमदनगर जिल्ह्यातील श्रीगोंदा मतदारसंघात शिवसेना ठाकरे गटाच्या उमेदवार अनुराधा नागवडे यांच्या प्रचारार्थ उद्धव ठाकरे यांच्या सभेचं आयोजन करण्यात आलं होतं.त्यावेळी ते बोलत होते.