Local Body Election Postpone : प्रचार संपण्याच्या काही तास आधी मोठा ट्वीस्ट, कोणत्या नगर परिषदांच्या निवडणुका पुढे ढकलल्या? वाचा यादी एका क्लिकवर...

राज्यातील स्थानिक स्वराज्य संस्थांच्या निवडणुकांमध्ये उभ्या राहिलेल्या अपीलांच्या मुद्द्यावर राज्य निवडणूक आयोगाने निर्णायक पाऊल उचलले आहे. निवडणूक निर्णय अधिकाऱ्यांच्या विविध आदेशांविरुद्ध काही उमेदवारांनी दाखल केलेल्या न्यायालयीन अपीलांमुळे काही नगरपरिषद व नगरपंचायतींची निवडणूक प्रक्रिया अडकली होती. अशा ठिकाणी आता २० डिसेंबरला मतदान आणि २१ डिसेंबरला मतमोजणी होणार असल्याचे आयोगाने स्पष्ट केले आहे.

निवडणूक आयोगाने म्हटले की, ४ नोव्हेंबर २०२५ रोजी राज्यातील २४६ नगरपरिषद व ४२ नगरपंचायतींसाठी कार्यक्रम जाहीर करण्यात आला होता. मात्र, नामनिर्देशनपत्रांची छाननी झाल्यानंतर दाखल झालेल्या अपीलांचे निकाल २२ नोव्हेंबरनंतर लागू लागले. यामुळे निवडणूक निर्णय अधिकाऱ्यांनी नियमांनुसार उमेदवारांना नामनिर्देशनपत्र मागे घेण्यासाठी आवश्यक असलेला तीन दिवसांचा अवधी न देता थेट मतदान चिन्हे वाटप केली. महाराष्ट्र नगरपालिका निवडणूक नियम १९६६ मधील १७ (१) (ब) या तरतुदींनुसार ही कार्यवाही नियमबाह्य असल्याचे आयोगाने नमूद केले.

शनिवारी रात्री, राज्य निवडणूक आयोगाने एक परिपत्रक काढत काही नगर परिषद, नगर पंचायतीच्या निवडणुका पुढे ढकलल्याची माहिती दिली. त्याबाबतचे आदेश जिल्हाधिकाऱ्यांना पाठवण्यात आले. दुपारी १२.३० वाजेपर्यंत काही नगर परिषद आणि काही ठिकाणच्या प्रभागातील निवडणुका पुढे ढकल्याची माहिती समोर आली.

- महाबळेश्वर

- पांढरकवडा

- वणी

- देवळाली

- नेवासा

- पाथर्डी

- रेणापूर

- धर्माबाद

- रिसोड