Maharashtra Elections : तावडे-ठाकूरांमध्ये राडा, पैशांचे वाटप झाले? भाजप उमेदवाराने नेमकं सांगितलं

विरार, पालघर: विधानसभा निवडणुकीच्या मतदानाच्या एक दिवस आधी विरारमध्ये तुफान राडा झाला. विरारमधील एका हॉटेलमध्ये भाजपचे केंद्रीय नेते विनोद तावडे हे हॉटेलमध्ये पैसे वाटत असल्याचा आरोप करत बहुजन विकास आघाडीच्या कार्यकर्त्यांनी धडक दिली. या गोंधळात बविआचे विद्यमान आमदार क्षितीज ठाकूर देखील दाखल झाले. त्यामुळे वातावरण अधिकच तणावपूर्ण झाले. भाजप नेते विनोद तावडे यांच्यासह भाजपचे उमेदवार राजन नाईक हे देखील त्या ठिकाणी होते. या गोंधळाबाबत राजन नाईक यांनी नेमकं काय झालं हे सांगितले.