Maharashtra Elections Ajit Pawar On Nawab Malik : मलिकांच्या उमेदवारीवरून महायुतीत ताणाताणी, अजितदादा म्हणतात, ''त्यांच्यावरील आरोप...''

उपमुख्यमंत्री अजित पवार हे नवाब मलिक यांच्या पाठिशी आहेत. महायुतीत उमेदवार असतानाही अजित पवारांनी मलिकांना पक्षाचा एबी फॉर्म देत अधिकृत उमेदवारी दिली. अजित पवार हे मलिकांच्या प्रचारात सहभागी होणार आहेत. अजित पवारांनी म्हटले की, नवाब मलिक आमचे अधिकृत उमेदवार आहेत. त्यामुळे मी त्यांच्या रॅलीमध्ये जाणार आहे. नवाब मलिकांवर अजून आरोप सिद्ध झाले नाहीत. त्यांना दोषी कसे ठरवता असा उलट प्रश्नही त्यांना केला. मुख्यमंत्र्यांनी उपमुख्यमंत्री काय करावे हा त्यांचा अधिकार असल्याचेही अजित पवारांनी म्हटले.

मलिक हे अणुशक्तीनगरमधील विद्यमान आमदार आहेत. मलिक यांच्याऐवजी त्यांची कन्या सना मलिक ही निवडणुकीच्या मैदानात असणार आहे. नवाब मलिक यांना उमेदवारी न देण्यावरून भाजपने ठाम भूमिका घेतली होती. मलिक हे मविआ सरकारच्या काळात मंत्री असताना विद्यमान उपमुख्यमंत्री देवेंद्र फडणवीस यांनी केलेले आरोप आणि दिलेल्या पुराव्यांमुळे नवाब मलिक हे तुरूगांत होते. मलिक यांचे अंडरवर्ल्डसोबत संबंध असून त्यांच्याशी व्यवहार केले असल्याचा आरोप आहे. त्याआधी नवाब मलिक यांनी पत्रकार परिषदा घेत तत्कालीन एनसीबी अधिकारी समीर वानखेडे यांच्यावर आरोपांचा धुरळा उडवला होता. मलिकांवर असलेल्या गंभीर आरोपांमुळे भाजपने त्यांचा प्रचार न करण्याची भूमिका घेतली.