Jalgaon: दोन मित्र जीवावर उठले, 5 दिवसांपासून बेपत्ता असलेला निलेश आढळला भयावह अवस्थेत, मन सुन्न करणारी घटना

विजय वाघमारे, प्रतिनिधी जळगाव: जळगाव जिल्ह्यातून एक मन सुन्न करणारी घटना समोर आली आहे. गेल्या पाच दिवसांपासून बेपत्ता असलेल्या जामनेर येथील २७ वर्षीय निलेश राजेंद्र कासार या तरुणाची त्याच्याच दोन मित्रांनी जुन्या वादातून निर्घृण हत्या केल्याचं उघड झालं आहे. निलेशचा मृतदेह रामदेववाडी परिसरातील जंगलात असलेल्या एका तलावात पोत्यात बांधलेल्या अवस्थेत आढळून आला. या घटनेमुळे संपूर्ण जिल्ह्यात खळबळ उडाली असून जळगाव जिल्हा रुग्णालयात नातेवाईकांनी एकच आक्रोश केला.